RAE\SEOK

Professional Make-up Artist | Coffee Lover | Book Worm

Archive of ‘Personal Diary’ category

我相信世界依然美麗

近年嚟,好似有好多負面嘅社會新聞,手法越嚟越毒辣,人人都開始提高警惕,封閉原本善良嘅一面,冷對別人同事物。見到外勞好似見到仇人,見到人哋須要幫忙嘅時候總會猶豫不決,最終都係會以自身安全為上策而置身於事外同人群角落。

人若長期性活於咁冷漠嘅社會,如果生活有點困難而被排擠、受歧視、得唔到人應有嘅尊重,試問俾著你我,會唔會悲觀起嚟?

我仍相信人本善,人與人之間嘅互係依然美麗。如果每個人見到路邊嘅勞力工人都可以微笑同對佢哋講聲多謝,我唸呢份感染力會好大。至少普通一個舉手之勞,我哋都唔應該推搪。

要社會更好,自身應該做起!先由懂得感恩再改善對別人嘅態度。放低自以為是嘅身段,因為今日所擁有嘅不能確保明天不會失去。而一旦你失去今日所擁有,可能會俾任何一個你曾經睇唔起嘅人,更加淒慘悲哀!

誠懇的微笑,可以化解悲觀,可以令低落嘅人有希望,當活於順境嘅人扶另一邊逆境嘅人一把,整個社會會平衡起嚟。請相信世界依然美麗!